Milli komandamız FİFA reytinqində geriləyəcək

6 gündən sonra FİFA milli komandaların növbəti reytinq siyahısını açıqlayacaq. Futbolxeber.az-ın məlumatına görə, Azərbaycan yığmasının bu siyahıda 8 pillə geriləyəcəyi gözlənilsə də, daha iki komandanın millimizi arxada qoyacağı dəqiqləşib.

Belə ki, bu gün açıqlanan təxmini siyahıda Robert Prosineçkinin yetirmələri 115-cidi. Ötən ay 328 xalla dünyanın 105-cisi olan komandamız 10 addım geriləyib. Buna AVRO-2016-nın seçmə oyunlarında İtaliya ilə ev (1:3), Bolqarıstanla səfər (0:2) görüşlərində uduzan yığmamızın xal hesabının da 293-ə düşməsi səbəb olub.

Təxmini siyahının 6 gün sonra açıqlanacaq rəsmi cədvəldən nadir hallarda fərqləndiyinizi nəzərə alsaq, Niger, Aruba, Gürcüstan, Kuba, Botsvana, Burundi, Zimbabve, Kipr, Sent-Kitts Nevis kimi ölkələrin ardından Mərkəzi Afrika Respublikası və Mavritaniyadan da geri düşəcəyimiz bəllidi. Amma daha böyük geriləməsi olan bəzi komandalar daha aşağı yuvarlanması millimizin enişinin 10-u keçməməyi ilə nəticələnib.

Millimiz və “qonşuları”

 10 (126). Mərkəzi Afrika Respublikası - 302

111 (110). Gürcüstan - 301

112 (115). Aruba - 299

113 (105). Liviya - 297

114 (108). Efiopiya - 294

115 (105). AZƏRBAYCAN - 293

115 (123). Bəhreyn - 293

117 (118). Beliz - 292

118 (127). Madaqaskar - 290

118 (126). Namibiya - 290

120 (129). KXDR - 288

Qeyd edək ki, qonşu Türkiyə yığması 941 xalla 19 pillə irəliləyərək, 18-ci yerə yüksələcək.

Mənbə: apasport.az