“Bakı”nın sabiq baş məşqçisi milli komandamızın üzvləri ilə görüşdü

19 yaşadək qızlardan ibarət Azərbaycan yığması Latviyanın paytaxtı Riqa şəhərində təşkil olunacaq “Baltic Cup” turnirində iştirak etmək üçün adıçəkilən şəhərdədir. Futbolxeber.az-ın məlumatına görə, dünən yığmamızın məşqində xüsusi qonaq da olub. Belə ki, Latviya millisinin sabiq çalışdırıcısı, eləcə də “Bakı” klubunun keçmiş baş məşqçisi olmuş Aleksandr Starkov yığmamızın məşqini izləyib. Təcrübəli mütəxəssis məşqdən sonra millinin tərcüməçisi, eyni zamanda “Bakı”nın rəisi postunu tutan Vüqar Əliyevlə xeyli söhbətləşib.