Şehiç: “Əsas odur ki, mərhələni keçə bildik”

“Biz belə güclü və ciddi rəqib gözləmirdik”. Futbolxeber.az-ın məlumatına görə, bu sözləri “Rudar” - “Qarabağ” (0:1) matçından sonra Serbiya mətbuatına açıqlamasında “Qarabağ”ın qapıçısı İbrahim Şehiç deyib.

 Hazırlaşmaq üçün az vaxtlarının olduğunu qeyd edən qolkiper “Rudar”a da gələcəkdə uğurlar arzulayıb: “Hədəfimizə çatmaq bizim üçün çox çətin oldu. Ancaq əsas odur ki, biz mərhələni keçə bildik. İndi rahatlıqla “Seltik”lə oyuna hazırlaşa bilərik. “Rudar”a isə gələcək oyunlarda uğurlar arzu edirəm” (apasport.az).