“Çukariçki”nin kapitanı: “Qəbələ”nin bahalı futbolçuları var”

“13-14 il əvvəl Bakıda olmuşdum. Şəhəriniz və futbolunuz geridə qalan müddətdə çox dəyişib”. Futbolxeber.az-ın məlumatına görə, bu sözləri “Çukariçki”nin kapitanı Iqor Matiç deyib.

O, “Qəbələ” haqda müsbət fikirlər səsləndirib: “Qəbələ” güclü komandadır. Heyətində bahalı futbolçular var. Rəqib nə qədər güclü olsa da, ilk oyunda qazandığımız nəticə göz önündədir. Sabah da qələbə qazanacağımıza inanıram”.

Ilk oyun barədə Matiç bunları söyləyib: “Qəbələ”nin necə oynayacağını bilmirdik. Komanda haqda məlumatımız var idi. Güclü baş məşqçiyə və yaxşı futbolçulara sahib olduqlarından xəbərdar idik. Artıq ilk oyun geridə qalıb. Sabah tam fərql oyun olacaq”.