“Söz verirəm, klub olsa Premyer Liqanı bu mövsüm 12 komanda ilə də keçirərik”

“Fors major deyilən bir şey var. Komanda özü maddi sıxıntı yaşayırsa, müraciət edir ki, çempionatdan çıxır. 9 komanda ilə çempionat keçirilsəydi, mətbuat bizi biabır edərdi. Bu səbəbdən də “Rəvan”a müraciət etdik. Onlar da çempionatda çıxışa razılıq verdilər. Lisenziya şərtlərini yerinə yetirmək üçün sentyabra kimi vaxt istədilər”. Futbolxeber.az-ın məlumatına görə, bu sözləri Peşəkar Futbol Liqasının prezidenti Ramin Musayev deyib.

Musayev qeyd edib ki, püşk atılsa da, Premyer Liqada 12 klubun iştirakı da mümkündü: “Hansı komandanın maddi vəziyyəti imkan verirsə, çempionatda oynaya bilər. Püşkatma olsa da, çempionatın startına günlər qalsa, kimsə oynamaq istəsə, mən sizə söz verirəm ki, komandaların sayını 12-yə də çatdıraram. Kənardan deməyə nə var ki? Mən həmişə sözün düzünü deyənəm. Bəli, biz ancaq “Rəvan”a müraciət etmişik. Bildim ki, onların imkanı var, oynaya bilərlər. Onlar da qəbul etdilər”.