“Xəzər Lənkəran” dostluq matçı keçirəcək

Yay təlim məşq toplanışını davam etdirən “Xəzər Lənkəran” bu gün dostluq matçı keçirəcək. Futbolxeber.az-ın klubun rəsmi saytına istinadən verdiyi məlumata görə, Ramazan bayramı ilə əlaqədar qardaş Türkiyə Cümhuriyyətində əksər klubların qısamüddətli istirahəti səbəbindən komanda əvvəlcədən bu günə planlaşdırılmış yoxlama oyununu dostluq matçı ilə əvəz edib. “Xəzər Lənkəran” Bakı vaxtı ilə saat 20.00-da Türkiyə həvəskarlar liqində mübarizə aparan “ Antalya Kundu Spor” klubu ilə məskunlaşdığı otelin futbol meydançasında qarşılaşacaq. İyul ayının 21-də isə Lənkəran təmsilçisi Türkiyə Superliqa təmsilçisi “Kayserispor” klubu ilə yoxlama oyununda qüvvəsini sınayacaq.