“Çukariçki”nin kapitanı: “Qəbələ”yə qarşı fantastik oynadıq”

"Düşünürəm ki, fantastik oyun nümayiş etdirdik. Havaş şəraiti yaxşı deyildi. Ancaq hər iki komanda eyni şərtlər altında oynayırdı. Bizim qol epizodumuz çox olsa, onlardan yalnız birindən istiadə edə bildik. Yaxşı ki, qapımızı toxunulmaz saxladıq”. Futbolxeber.az-ın məlumatına görə, bu sözləri Serbiyanın “Çukariçki” klubunun kapitanı Rayko Brezançin Avropa Liqasının II təsnifat mərhələsinin “Qəbələ” ilə ilk oyunundan (1:0) sonra deyib.

Ölkəsinin mətbuatına danışan 25 yaşlı müdafiəçi  “Qəbələ”yə daha daha çox qol vurmaq imkanlarının olduğunu bildirib: “Hücumda kəsərli olsaq da, tamalayıcı zərbəni vurmaqda çətinlik çəkirik. “Domjale” ilə oyunda da bu problem hiss olundu. Məncə, zamanla bəzi çatımazlıqlar aradan qalxacaq. İlk hissədə qol vurmaq imkanımız var idi. Yerinə yetirdiyim cərimə zərbəsinin qolla tamamlanacağına əmin idim, ancaq allnmadı”.

Mənbə: qol.az