“Rudar”ın baş məşqçisi: “Biz də qol vura bilərik”

“Futbolçularımı təbrik edirəm. Tapşırıqlarımın hamısını yerinə yetirdilər. Oyundan çox razıyam”. Futbolxeber.az-ın məlumatına görə, bu bu sözləri “Rudar”ın baş məşqçisi Mirko Mariç Çempionlar Liqasının II təsnifat mərhələsinin “Qarabağ”la ilk oyunundan (0:0) sonra keçirilən mətbuat konfransında deyib. Daha sonra o, sualları cavablandırıb:

- Cavab qarşılaşması haqda nə düşünürsünüz?

- Bilirik ki, rəqib yaxşı komandadır. Növbəti matçın favoriti də “Qarabağ”dır.

- Hiss olunurdu ki, komandanız sırf müdafiədən oynayır. Düşünmürsünüz ki, “Qarabağ”la ilk oyundakı heç-heçə sizin üçün yaxşı nəticə deyil? Çünki “Qarabağ” səfərdə qol vursa, işiniz çətin olacaq.

- Təbii ki, düşünürük. Ancaq biz də qol vura bilərik.

Mənbə: qol.az