Ümit Özat qovuldu: Ruslan Tağızadə və Nurlan Novruzov debüt etmədən qayıda bilər

“Boluspor”la yenicə anlaşan azərbaycanlı futbolçular Ruslan Tağızadə və Nurlan Novruzovun Türkiyə klubunda debütü baş tutmaya bilər. Futbolxeber.az-ın məlumatına görə, buna səbəb komandada baş məşqçi istefasıdı.

Belə ki, Bolu təmsilçisi bu gün gözlənilmədən rəsmi saytı vasitəsilə baş məşqçi Ümit Özatla yollarını ayırdığını bəyan edib. Rəhbərlik həm Özatın özü, həm də onun köməkçiləri ilə vidalaşmaq qərarına gəlib. Bu isə onun transfer etdiyi futbolçular, o cümlədən Tağızadə ilə Novruzovun “Boluspor”dakı gələcək taleyini sual altına qoyur. Onlarla bağlı yekun qərarı yeni gələcək baş məşqçinin verəcəyi açıqlayıb.

Qeyd edək ki, Novruzov “Bakı”dan, Tağızadə isə “Zirə”dən “Boluspor”a keçmişdi.

Mənbə: apasport.az