Azərbaycan millisinin qapıçısı hərbi xidmətdədir

Dünən 19 yaşadək futbolçulardan ibarət milli komandamızın heyəti açıqlandı. Baş məşqçinin dəvət göndərdiyi 33 futbolçu arasında “Qarabağ” və U-19-un qapıçısı Ağaseyid Qasımovun olmaması diqqət çəkir. Futbolxeber.az-ın məlumatına görə, gənc qapıçının yığmadan kənarda qalması səbəbsiz deyil. Belə ki, Qasımov hazırda hərbi xidmətdədir. Artıq 2 həftədir ki, Ağaseyid Mərkəzi Ordu İdman Klubundadır. Məhz bu səbəbdən də Qasımov yığmanın heyətinə dəvət almayıb.

Qeyd edək ki, 1 həftədən sonra Qasımov MOİK-in düşərgəsindən ayrılacaq.