İntizam Komitəsi Lənkərana getməyə pul tapa bilməyən "Simurq"u 23 min manat cərimələdi

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə, 21 may 2015-ci il, 2014/2015 mövsümündə, XXIII Azərbaycan Premyer Liqasında çıxış edən klubların əvəzedici heyətlərinin XXXV turunun AZAL - “Simurq”  matçında AZAL klubunun 4 futbolçusu, “Simurq” klubunun isə 5 futbolçusu sarı vərəqə ilə cəzalandığı üçün hər iki klub 500 manat cərimə olunub. Oyunun 69-cu dəqiqəsində AZAL klubunun 47 №-li futbolçusu Əsgər Hüseynov ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 100 manat cərimə olunub. Oyunun 76-cı dəqiqəsində “Simurq” klubunun 67 №-li futbolçusu Sərxan Abdullayev kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb, klub 1000 manat cərimə olunub. Oyunun 90+4-cü dəqiqəsində AZAL klubunun 46 №-li futbolçusu Namiq Salayev ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 100 manat cərimə olunub. Oyunun 90+1-ci dəqiqəsində “Simurq” klubunun baş məşqçisi Rövşən Babayev texniki zona qaydalarını pozduğuna görə meydandan kənarlaşdırıldığı üçün 1 oyun cəzalanıb, klub 500 manat cərimə olunub. Oyun bitdikdən sonra “Simurq” klubun məşqiçisi Asif Ramazanov geniş kütlə qarşısında hakimlər briqadasın və hakimlər komitəsin təhqir etdiyinə görə  10 oyun stadiona girişinə qadağa qoyulub, klub 10 000 manat cərimə olunub. Oyun başa çatdıqdan sonra “Simurq”  klubunun 45 №-li futbolçusu Kamran Həsənzadə hakimlər briqadasın təhqir etdiyinə görə 4 oyun cəzalanıb, klub 2000 manat cərimə olunub.

Qeyd edək ki, bundan başqa Amil Ağacanova görə də “Simurq” 9 min cəzalanıb. Ümumilikdə, AFFA İntizam Komitəsi Lənkəranla oyuna getmək üçün pul tapa bilməyən Zaqatala klubunu 23 min manat cərimələyib.