5 futbolçu üçün mövsüm bitdi

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə 13 may 2013-cü il, 2012/2013 mövsümündə, XXI Topaz Premyer Liqasının XXXI turunun “Sumqayıt” - “Xəzər Lənkəran” matçının 61-ci dəqiqəsində “Xəzər Lənkəran” klubunun 27 №-li futbolçusu Adrian Skatlatake idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.

AZAL-la oyunun 85-ci dəqiqəsində “Rəvan” klubunun 5 №-li futbolçusu Nikolay Orlovski idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.

14 may 2013-cü il, 2012/2013 mövsümündə, XXI Topaz Premyer Liqasının XXXI turunun “Simurq” – “İnter” matçının 54-cü dəqiqəsində “Simurq” klubunun 19 №-li futbolçusu Nicat Qurbanov aqressiv hərəkətə görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanıb, klub 2000 manat cərimə olunub. Oyunun 74-cü dəqiqəsində “İnter” klubunun 15 №-li futbolçusu Volodimir Levin idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunur.

14 may 2013-cü il, 2012/2013 mövsümündə, XXI Topaz Premyer Liqasının XXXI turunun “Qarabağ” – “Bakı” matçının 84-cü dəqiqəsində “Bakı” klubunun 23 №-li futbolçusu Rauf Əliyev aqressiv hərəkətə görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanıb, klub 2000 manat cərimə olunub.