"Neftçi" 16 turdu meydanı qol vurmadan tərk etmir

Premyer Liqada çempionluğu vaxtından əvvəl təmin etmiş “Neftçi” PFK həm də 59 qolla çempionatın ən məhsuldar komandasıdır. Futbolxeber.az klubun saytına istinadən verdiyi məlumata görə, flaqman keçirdiyi 31 oyunun cəmi 3-də fərqlənə bilməyib. Son 16 turdur ki, “Neftçi”nin futbolçuları meydanı qol vurmadan tərk etmirlər. Bununla yanaşı “Neftçi” ayrı-ayrılıqda ev və səfər oyunlarında vurduğu qolların sayına, eləcədə topladığı xallara görə bütün rəqiblərini qabaqlayır. Futbolçular doğma meydanda 38, səfər qarşılaşmalarında isə 23 dəfə qol sevinci yaşayıb. “Neftçi” həm də çempionatın ən çox qələbə qazanan komandasıdır. Flaqman keçirdiyi 31 görüşdən 19-da meydanı 3 xalla tərk edib. İlk altılıqda ən az heç-heçə etmiş “ağ-qaralar” cəmi 5 matçda rəqibləri ilə sülh bağlayıb.