"Xəzər Lənkəran" Avroliqada!

Bu il Azərbaycanı Avropa Liqasında təmsil edəcək sonuncu, üçüncü iştirakçı müəyyənləşib. Futbolxeber.az-ın məlumatına görə, bu, Premyer Liqanın “Qəbələ” - “Neftçi” qarşılaşmasından sonra bəlli olub. 1:1 hesablı nəticədən sonra “Neftçi”nin Premyer Liqanın bitməsinə bir tur qalmış çempionluğu rəsmiləşdirməsi səbəbindən “Xəzər Lənkəran”ın da bu il avrokuboklarda iştirak edəcəyi dəqiqləşib. “Neftçi” və “Xəzər Lənkəran” Azərbaycan kubokunun finalında üz-üzə gələcəklər. Finalda “Xəzər Lənkəran” hətta uduzsa belə, “Neftçi” çempion olduğu üçün Avroliqaya kubokun qalibi qismində məhz Cənub təmsilçisi gedəcək.

Beləliklə, 2013/14-cü il mövsümündə avrokuboklarda Azərbaycan “Neftçi”i (Çempionlar Liqasında), “Qarabağ”, “İnter” və “Xəzər Lənkəran” (hər üçü Avropa Liqasında) təmsil edəcək.