Draqan Çeran: "3 aydır ki, maaş almırıq”

“Simurq”un hücumçusu Draqan Çeran Zaqatala klubunda maliyyə problemi olduğunu təsdiqləyib. Serbiyalı futbolçu Futbolxeber.az saytına müsahibəsində bildirib ki, 3 aya yaxındır k, maaş almırlar: “Komandada maliyyə problemi olduğu həqiqətdir. Lakin biz mövsümün sonuna kimi vuruşmalıyıq. Bizə hörmət edirlərsə, pulumuzu ödəyəcəklər. İstənilən halda futbolçular sona kimi mübarizə aparacaqlar. Yaxşı kollektivimiz var. Pul yoxluğunu problemə çevirmirik. Biz hamımız peşəkar futbolçularıq. Tezliklə 3 ay olacaq ki, maaş almırıq. Klub rəhbərliyi məvaciblərin nə vaxt ödəniləcəyi barədə heç bir söz demir”.