Ruslan Qurbanovun ayağı “Hayduk”a düşərli olmadı

Xorvatiya çempionatında 29-cu turun oyunları keçirilir. Futbolxeber.az-ın məlumatına görə, millimizin üzvü Ruslan Qurbanovun formasını geydiyi “Hayduk” öz meydanında “Riyeka” ilə qarşılaşıb. Görüşə ehtiyat oyunçular skamyasından başlayan Qurbanov, 72-ci dəqiqədə avstriyalı Qotalın əvəzinə meydana daxil olub. Buna kimi “Hayduk” hesabda öndə olsa da, Qurbanov oyuna qoşulduqdan sonra komandası 80 və 82-ci dəqqələrdə qapısında 2 qol görməklə 1:2 hesabı ilə uduzub.

Qeyd edək ki, 29 turdan sonra aktivində 37 xal olan “Hayduk” 4-cü pillədə qərarlaşıb.