“İnter” və “Qəbələ”nin keçmiş futbolçusu ad günündə “Spartak”a qol vurdu

Rusiya Premyer Liqasında 24-cü turun oyunları keçirilir. Futbolxeber.az-ın məlumatına görə, Yuri Syominin çalışdırdığı “Mordoviya” öz meydanında “Spartak”a uduzub - 1:3. “Mordoviya”nın yeganə qolunu “İnter” və “Qəbələ”nin sabiq futbolçusu İbrahima Niasse vurub. Maraqlıdır ki, Niassa daha bir sabiq “Qəbələ”li Ebesilionun künc zərbəsindən ötürdüyü topu başla qapıdan keçirib. Bununla da Niasse özünə ad günü hədiyyəsi edib. Belə ki, bu gün seneqallı yarımmüdafiəçinin 27 yaşı tamam olur.