UEFA-nın yeni reytinq cədvəli: “Qarabağ” bu mövsümün 67-cisidi

Çempionlar Liqasının və Avroliqanın 1/4 final mərhələsinin ilk oyunlarından sonra UEFA qitə kuboklarının növbəti reytinq cədvəlini açıqlanıb. Futbolxeber.az-ın məlumatına görə, son 5 ildəki göstəricilərə görə siyahıda yer alan Azərbaycan klublarından ən yaxşı göstərici “Qarabağ”a məxsusdur. Aktivində 11,500 reytinq balı olan Ağdam klubu sıralamada 151-cidir. 454 klubun adının yer aldığı siyahıda digər təmsilçilərimizdən “Neftçi” 181-ci, “İnter” 269-cu, “Xəzər Lənkəran” 296-cı, “Bakı” 331-ci, “Qəbələ” 358-ci, AZAL isə 359-cu yeri tutur.

Cari mövsümdəki nəticələrə görə də təmsilçilərimiz arasında ən yaxşı nəticə “Qarabağ”a məxsusdur. Ağdam klubu 239 komanda arasında 67-ci pillədədir. Ölkəmizi bu mövsüm avrokuboklarda təmsil edən digər klublardan “Neftçi” 103-cü, “İnter” 160-cı, “Qəbələ” isə 179-cudur.