Millimiz İrlandiyaya 9 nəfərlə uduzdu

İrlandiyada təlim-məşq toplanışında olan 19 yaşadək futbolçulardan ibarət milli komandamız bu gün hazırlıq prosesi çərçivəsində ikinci yoxlama oyununu keçirib. Futbolxeber.az-ın məlumatına görə, Nikolay Adamın komandası yenə də İrlandiya millisi ilə üz-üzə gəlib. Matç millimizin 0:2 hesablı yenilgisi ilə başa çatıb. İrlandiya yığması 26-cı dəqiqədə penaltidən hesabı açıb. 4 dəqiqə sonra isə meydan sahibləri matçdakı son qolu vurublar. Millimiz görüşü 9 nəfərlə bitirib. Belə ki, qarşılaşmanın 79-cu dəqiqəsində Elgün Uluxanov, 3 dəqiqə sonra isə İlkin Sadıqov ikinci sarı vərəqə alaraq, meydandan uzaqlaşdırılıb.