“Prosineçkidən dəvət gözləyirəm”

“İnter”in yarımmüdafiəçisi Nizami Hacıyev millinin fevralda keçiriləcək təlim-məşq toplanışına dəvət alacağına ümid edir. Təcrübəli futbolçu Futbolxeber.az saytına verdiyi açıqlamada bununla bağlı deyib: “Əlbəttə, hər bir futbolçu kimi mən də Prosineçkidən dəvət gözləyirəm. Mənim mövqeyimdə yaxşı futbolçular var. Baş məşqçi də gəlib, oyunları izləyir və seçimini edir. Çağırsa, canla-başla yığma komandamıza kömək etməyə hazıram. Millinin formasını geymək hər futbolçunun arzusu, eləcə də şərəfdir. Nəyə görə futbol oynayırıq? Klubda özümüzü göstərib, millinin şərəfini qorumaq üçün. Mənim də istəyim budur”.