“Bakı”nın baş məşqçisi: “Jaba əvvəl etiraz etsə də, sonra üzr istədi”

“Bu gün gənc futbolçuların sərgilədiyi oyuna görə sevincliyik. Penaltiyə qədər yaxşı mübarizə apardıq, üstün oynadığımızı düşünürəm”. Futbolxeber.az-ın məlumatına görə, bu sözləri “Bakı”nın baş məşqçisi İbrahim Uzunca “Qəbələ” ilə oyundan sonra deyib.

Türkiyəli mütəxəssis Jabanın hərəkətinə də aydınlıq gətirib: “Hakimlərdən xahişim odur ki, penalti epizodlarında  bir az diqqətli olsunlar. Mən demirəm qapımıza penalti təyin olunmasın. Penalti varsa, versinlər. Gənc komandanı penaltidən sonra toparlamaq çətindir. Amma ümumi oyundan razıyam. Jaba oyundan çıxan zaman etiraz etdi. Ancaq sonra gəlib üzr istədi. Biz ona başa saldıq ki, belə hallar olmamalıdır”.