“Skarlatakenin “Xəzər Lənkəran”da qalıb-qalmayacağına rəhbərlik qərar verəcək”

“Adrian Skarlatakenin “Xəzər Lənkəran”da qalıb-qalmayacağına rəhbərlik qərar verəcək. Məsələ qarşıdakı 2 gün ərzində həll olunmalıdır”. Futbolxeber.az saytına verdiyi açıqlamada bu sözləri “Xəzər Lənkəran”ın mətbuat xidmətinin rəhbəri Hüseyn Cəbrayıloğlu deyib.

Klub rəsmisi bildirib ki, bu məsələdə pul rol oynamır: “Burada söhbət puldan getmir. Skarlatakenin zədəsi var. Bu səbəbdən də o, ötən ilin sonlarında komandaya kömək edə bilmədi. Ağrıları hələ də davam edir. Rəhbərlik onun komandaya faydalı olub-olmayacağını dəyərləndirir. Əgər Skarlatakenin komandaya kömək edə bilməyəcəyi məlum olsa, o zaman futbolçuya azad agent hüququ veriləcək”.