"Qəbələ" Türkmənistan klubunu məğlub edə bilmədi

Antalyada hazırlıqlarını davam etdirən “Qəbələ” toplanış çərçivəsində 7-ci yoxlama oyununu keçirib. Futbolxeber.az-ın məlumatına görə, komanda Türkmənistanın yüksək liqasında çıxış edən “Altın Asır” klubu ilə qarşılaşıb. Matç 3:3 hesabı ilə başa çatıb. “Qəbələ”nin heyətində Cavid Hüseynov (40, pen) və Ruslan Fomin (54; 63) fərqlənib.

Qeyd edək ki, bu il Antalyada PSV-nin (Hollandiya) ikinci komandası ilə qolsuz heç-heçə edib, Türkiyə “Əskişəhərspor”una 1:3, Rusiya “Kuban”ına 0:2 hesabı ilə uduzan Roman Qriqorçukun yetirmələri “Vorskla”nı (Ukrayna) 2:1, “Adanaspor”u (Türkiyə) 3:2, “Haladaş” (Macarıstan) 2:0 hesabı ilə məğlub edib.