Leroy Corc: “Şanslı günümüz idi"

“Qarabağ”ın üzvü Leroy Corc “Xəzər Lənkəran”la oyundan jurnalistlərin suallarını cavablandırıb. Futbolxeber.az-ın məlumatına görə. O, ilk öncə qarşılaşma haqda danışıb: “Ağır oyun oldu. Erkən qol vurmağımız ümidimizi artırdı. Amma ardıcıl səhvlər üzündən qol buraxdıq. İkinci hissənin əvvəlində hesabda geri düşsək də, xarakter nümayiş etdirib, qələbə qazandıq”.

Hollandiyalı futbolçu rəqib haqda bunları söyləyib: “Xəzər Lənkəran” güclü rəqibdir. Heyətində yaxşı futbolçular var. Bizə qarşı da yaxşı oynadılar. Şanslı günümüz idi, əlimizə düşən fürsətlərdən istifadə etdik”.

“Qarabağ”ın üzvü “İnter”lə matçda baş verənlərui unutmaq istədiklərini bildirib: “İnter”lə oyundan sonra bir neçə gün həmin matç haqda düşündük. Ancaq hər şeyi yaddan çıxarıb, çempionatdakı yolumuza davam etməliyik. Çünki yenidən ora yollanmaq üçün daxili yarışda yüksək yer tutmalıyıq. Əksəriyyət Avropa Liqasındakı oyunumuzdan razı qalıb. Ancaq bu mərhələ başa çatdı. Biz çempionatdakı çıxışımı uğurla davam etdirməliyik. İndi diqqətimizi buna yönəltmişik”.