Tahir Gözəl "Qarabağ"ı meydana kapitan qismində çıxardı

Bu gün Bayıl stadionunda “Britaniya komandası” və “Qarabağ” futbol klubu arasında qeyri-rəsmi futbol oyunu baş tutub. Futbolxeber.az-ın məlumatına görə, oyunun Britaniyanın Azərbaycandakı  səfirliyi, AFFA və “Bakcell” şirkətinin dəstəyi ilə təşkil edilib.

Tədbirin məqsədi 1914-cü ildə Birinci Dünya müharibəsi zamanı əsgərlər arasında oynanılan ilk futbol oyunun 100 illiyi qeyd etməkdir. Həmin vaxt bir-birlərinə qarşı əks cəbhədə vuruşan əsgərlər bir anlıq müharibəni saxlayıb, mahnılar oxuyub, hədiyyələr paylanıb və rəmzi olaraq futbol oynayıblar.

Britaniya komandasını səfir İrfan Sıddıq və “Bakcell” şirkətinin təşkil etdiyi Mançester Yunayted Yay Futbol Məktəbinin yeniyetmələri təmsil edib.”Qarabağ”ı isə bu görüşdə 13 yaşlılardan ibarət yığma komandası təmsil edib. Bu görüşdə 13 yaşdan ibarət komandanın heyətində “Qarabağ” Futbol Klubunun vitse-prezidenti Tahir Gözəl, aşağı yaş qruplarına AFFA tərəfindən təyin olunmuş idman direktoru John van Loen və klub direktoru Əmrah Çəlikəl iştirak ediblər.

Görüş 6-6 hesabı ilə başa çatıb.