“Neftçi”dən böyükhesablı qələbə

Çempionatda yaranan fasilədən istifadə edən “Neftçi” bu gün yoxlama oyunu keçirib. Futbolxeber.az-ın məlumatına görə, İsmət Qayıbov adına Bakıxanov qəsəbə stadionunda baş tutan görüşdə “ağ-qaralar”ın rəqibi I divizion təmsilçisi “Qaradağ-Lökbatan” olub. Matç “Neftçi”nin 4:1 hesablı qələbəsi ilə başa çatıb.

İkinci dəqiqədə hesabı açan Ruslan Qurbanov, 20 dəqiqənin tamamında dublunu rəsmiləşdirib. “Neftçi”nin digər 2 qoluna isə matçın sonunda dubl edən Niklas Kanales imza atıb. “Qaradağ-Lökbatan”ın yeganə qolunu Asəm Məmmədov vurub.

Qeyd edək ki, matçın gedişində “Neftçi” 2 penaltini qaçırıb. İlk yarıda Kanalesin zərbəsini rəqib qapıçı tutub. Ruslan Qurbanov isə topu qapının üstündən vurub.