Tərlan Əhmədov: “70 dəqiqə mən istəyən futbolu oynadılar”

“Sumqayıt”la oyundan sonra futbolçularımla söhbətim olmuşdu. Bildirmişdim ki, komanda ev oyununda uzun müddətdir qələbə qazanmır. Hesab edirəm ki, oyunçularım mübarizə apardılar”. Futbolxeber.az-ın məlumatına görə, bu sözləri “İnter”lə oyundan sonra AZAL-ın baş məşqçisi Tərlan Əhmədov deyib.

Əhmədov ikinci hissədə geri çəkildiklərini bildirib: “İlk hissədə daha çox hücum etdik. İkinci hissədə isə mənim tapşırığıma əsasən komanda bir qədər geri çəkildi. Düşünürəm ki, 70 dəqiqə mən istəyən futbolu oynadılar. Biz ikinci hissədə rəqibə görə oynamağa başladıq. Bəzi epizodlar oldu ki, uğur qazana bilərdik. Amma alınmadı. Daha sonra bir səhv buraxdıq. Həmin səhvdən sonra rəqib qol vurdu və yekun nəticəni müəyyənləşdirdi. Artıq oyunu unutmalı və qarşıdakı görüşlərə hazırlaşmalıyıq. Bunun üçün vaxtımız var”.