Elnur Allahverdiyev: “Foqts mənə güvənir”

“Bolqarıstanla oyundan əvvəl oyun praktikasının azlığından əziyyət çəkirdim. Elə bu səbəbdən də heyətdən kənarda qaldım. Amma milliyə çağırılacağımı gözləyirdim. Çünki ideal formada olmayanda belə, millinin heyətində meydana çıxarkən bütün gücümü ortaya qoyuram”. Futbolxeber.az saytına verdiyi açıqlamada bu sözləri “Neftçi”nin müdafiəçisi Elnur Allahverdiyev deyib.

Təcrübəli futbolçu qarşıdakı görüşlərdə Berti Foqtsdan dəvət alacağına inandığını bildirib: “Təbii ki, Bolqarıstanla oyundan sonra baş məşqçinin adımı çəkməsi, mənim yoxluğumu qeyd etməsi xoşdur. Deməli, Foqts mənə güvənir. “Neftçi”yə keçdikdən sonra daha çox oyun praktikası qazanıram. Formaya düşürəm artıq. İnanıram ki, qarşıdakı oyunlar üçün milliyə çağırılacağam. İstər İtaliya, istərsə də Xorvatiya ilə görüşdə əlimdən gələni etməyə hazıram”.