“Neftçi” “Xəzər Lənkəran”la oyuna bilet satmır, amma... ÖZƏL

Azərbaycan Premyer Liqasının beşinci turu çərçivəsində “Neftçi” öz meydanında “Xəzər Lənkəran”ı qəbul edəcək. Futbolxeber.az-ın məlumatına görə, böyük ehtimalla qarşılaşma İsmət Qayıbov adına Bakıxanov qəsəbə stadionunda keçiriləcək. Bundan başqa, qonaq azarkeşlərin stadionda buraxılıb-buraxılmayacağı da hələ ki bilinmir. “Neftçi” isə bu oyun bilet satışı təşkil etməyi planlaşdırmır. Amma “ağ-qaralar” bu qərarını dəyişə də bilər. Çünki “Xəzər Lənkəran”lı azarkeşlərin stadiona buraxılması haqda qərar qəbul edilsə, bu zaman “Neftçi” də fikrini dəyişəcək və oyun üçün bilet satışı təşkil edəcək.

Xatırladaq ki, “Neftçi” - “Xəzər Lənkəran” oyunu sentyabrın 13-də keçiriləcək.