Rəşad Sadiqov: “Əlimizdən gələni edəcəyik ki, “Böyük oyun”a layiq qarşılaşma olsun”

“Azarkeşlərimiz “Neftçi” ilə oyuna buraxılsa, yaxşı olar. Çünki hər bir oyuna rəng qatan azarkeşlərdir. Məncə, istənilən oyunda hər iki komandanın azarkeşləri iştirak etməlidir”. Futbolxeber.az saytına verdiyi müsahibədə bu sözləri “Xəzər Lənkəran”ın üzvü Rəşad Sadiqov deyib.

Təcrübəli futbolçu “Neftçi”yə qarşı baş tutacaq oyunda uğur qazanmaq üçün əllərindən gələni edəcəklərini bildirib: “Biz futbolçular da əlimizdən gələni edəcəyik ki, “Böyük oyun”a layiq qarşılaşma olsun. Kim güclüdürsə, o da qalib gəlsin. Amma bizim də məqsədimiz yalnız 3 xaldır. Rəhbərliyimiz də, məşqçilərimiz də çox istəklidirlər. Bizim kimi onlar da çətin səfər oyununda 3 xal qazanmağımızı istəyirlər. Çempionluq uğrunda oynayırıqsa, hər matçdan 3 xalla ayrılmağı hədəfləməliyik”. 

QEYD: Rəşad Sadiqovun geniş müsahibəsi ilə irəliləyən saatlarda saytımızda tanış ola bilərsiniz.