Oğuz Çətin: “Neftçi” ilə oyunun “Xəzər Lənkəran” üçün nə demək olduğunu bilirəm”

“Neftçi” ilə oyunun “Xəzər Lənkəran” üçün hansı əhəmiyyət kəsb etdiyini çox yaxşı bilirəm. Belə oyunları Türkiyədə çox görmüşəm”. Futbolxeber.az saytına verdiyi müsahibədə bu sözləri “Xəzər Lənkəran”ın baş məşqçisi Oğuz Çətin deyib.

Türkiyəli mütəxəssis bu cür rəqabətin olmasını müsbət məqam kimi qeyd edib: “Fənərbaxça” - “Qalatasaray” derbisində bu hissləri yaşamışam. Bilirəm ki, azarkeşlər üçü bu oyun böyük əhəmiyyət kəsb edir. Onların arasında “Çempion olmasan da olar, yetər ki “Neftçi”ni məğlub et” deyənlər var. Türkiyə də belədir. Derbidən öncə həmişə “Çempion olmasaq da olar, yetər ki “Qalatasaray”ı məğlub et” deyilirdi. Azarkeşlərin bu fikrinə hörmət etmək lazımdır. Bu cür ciddi rəqabətin olması yaxşıdır. Yetər ki, hər şey qaydalar çərçivəsində olsun, fair-pleydən kənara çıxılmasın. Biz də “Neftçi” ilə oyuna çox ciddi hazırlaşırıq. Komandam bu oyunda ən yaxşı şəkildə mübarizə aparacaq. İnanıram ki, azarkeşlərimizi sevindirə biləcəyik”.   

QEYD: Oğuz Çətinin geniş müsahibəsi ilə irəliləyən saatlarda saytımızda tanış ola bilərsiniz.