Rövnəq Abdullayev: “...ÇL-in qrup mərhələsinə düşmək lazımdı”

“Qarabağ” bizləri sevindirdi. Komandaya bu oyuna görə təşəkkür edirəm. Xeyli müddət idi stadiona bu qədər azarkeş toplaşmırdı. Fanatlardan tam razıyam”. Futbolxeber.az-ın Azerisport.com-a istinadən verdiyi məlumata görə, bu sözləri AFFA prezidenti Rövnəq Abdullayev deyib.

R.Abdullayev qarşılaşmadan sonra paltardəyişmə otağında Ağdam klubunun üzvlərini təbrik etdiyini bildirib: “Uşaqlara onlardan uğur gözlədiyimizi bildirdim. İlk növbədə asvtriyalıları mübarizədən kənarlaşdırmaq, sonra isə ÇL-in qrup mərhələsinə düşmək lazımdı”.

AFFA prezidenti hakimlik barədə də söz açıb: “İkinci qırmızı vərəqə haqsız idi. Keçən dəfə də hakim səhvi ucbatından digər klubumuz “İnter” də məğub oldu”.

Rövnəq Abdullayev “Qarabağ”ın cavab oyunu üçün şansını belə dəyərləndirib: “Komandanın növbəti mərhələyə adlamaq şansı var. Səfərdə normal oyun sərgiləsələr, mərhələ adlamaq olar. Eləcə də sabah “Çixura” ilə qarşılaşacaq “Neftçi”dən uğur gözləyirik”.