“Bakı” böyükhesablı qələbə qazandı

Növbəti mövsümə hazırlıqlarını davam etdirən “Bakı” Futbol Klubu bu gün daha bir yoxlama görüşü keçirib. Futbolxeber.az-ın fcbaku.tv-yə istinadən verdiyi məlumata görə, “Bakı”nın təlim-məşq bazasının meydançasında baş tutan oyunda “zolaqlılar” “Zirə” klubu ilə qarşılaşıb. Meydan sahiblərinin böyük üstünlüyü şəraitində keçən görüşdə “Bakı” 3:0 hesablı qələbə qazanıb. Əvvəlcə oyunun 11-ci dəqiqəsində Namiq Ələsgərov sol cinahdan yerlə verilən ötürməni dəqiq tamamlayıb. İlk hissənin son dəqiqəsində isə Turalın sağ cinahdan ötürmə cəhdi avtoqolla nəticələnib. Nəhayət, ikinci yarının 57-ci dəqiqəsində Nicat Əsgərov komandasının 3-cü qoluna imza ataraq, yekun nəticəni müəyyənləşdirib.

“Bakı”nın ilk hissədəki heyəti: Aqil Məmmədov, Elşad Manafov, Vüqar Bəybalayev, Şəhriyar Əliyev, Mario Horvat, Yure Travner, Nuran Qurbanov, Risto Ristoviç, Namiq Ələsgərov, Tural Qürbətov, Nurlan Novruzov.

İkinci hissədəki heyət: Azad Kərimov, Aydın Mustafayev, Elvin Əliyev, Ülvi Süleymanov, Elton Hüseynov, Nicat Əsgərov, Raul Yaqubzadə, Elmin Əsgərli, Əziz Quliyev, Valeh Seyidov.