“Elfsborq”un məşqçisi: “Penaltilərdə bizim bəxtimiz gətirdi”

“Bu cür güclü komanda yaratdığı üçün rəqib baş məşqçini təbrik edirəm. "İnter" yaxşı oyun sərgilədi. Sadəcə penaltilərdə bizim bəxtimiz gətirdi”. Futbolxeber.az-ın məlumatına görə, bu sözləri “İnter”lə oyundan sonra “Elfsborq”un məşqçisi Yanne Mian deyib.

O, İsveçi layiqində təmsil etdiklərini vurğulayıb: “Rəqibin azlıqda qalması bizim də planlarımıza daxil deyildi. Ona görə oyun ərzində müəyyən dəyişikliklər etdik. Qələbə bizim üçün vacib idi. İsveçi layiqincə təmsil edirik. Deyə bilmərəm, rəqib 11 nəfərlə oynasaydı, nəticə necə olardı".