“Tiraspol”un baş məşqçisi: “Buraxdığımız ilk qoldan sonra oyunun taleyini həll olundu”

“İlk yarıda “İnter” topa daha çox sahib olsa da, qol epizodlarını biz yaradırdıq. İkinci hissədə biz cinahlardan oynamağa çalışırdıq. Belədə üstünlük tamamilə “İnter”in tərəfinə keçdi”. Futbolxeber.az-ın məlumatına görə, bu sözləri “İnter”lə oyundan sonra “Tiraspol”un baş məşqçisi Vlad Qoyan deyib.

“Tiraspol”un çalışdırıcısı ikinci yarıda adi səhvlərə yol verdiklərini bildirib: “Buraxdığımız ilk qoldan sonra oyunun taleyini həll olundu. Azlıqda qalmışdıq, üstəlik 2 qol vurmalıydıq. 10 nəfərlə bunu reallaşdırmaq mümkün deyildi. Sonra ikinci penalti təyin edildi. Üçüncü qolu da heç nədən buraxdıq. İkinci hissədə biz topa sahib çıxa bilmirdik. Adi epizodlarda top itkisinə yol verirdik. Rəqib topu özündə bizdən daha yaxşı saxlayırdı”.