Georgiyevski: “Qol buraxdıqdan sonra da mərhələ adlayacağımıza əmin idik”

“Oyunun əvvəlində əsəbi deyildik. Sadəcə olaraq üzərimizdə böyük təzyiq var idi. Çünki ilk dəfəydi ki doğma meydanımızda, özü də bu qədər azarkeş önündə oynayırdıq”. Futbolxeber.az saytına verdiyi açıqlamada bu sözləri “İnter”in aparıcı üzvü Slavço Georgiyevski deyib.

Makedoniyalı futbolçu mərhələ adlayacaqlarına əmin olduğunu bildirib: “Oyuna istədiyimiz kimi başlaya bilmədik. Hesabda da geri düşdük. Buna baxmayaraq, özümüzü itirmədik. Hətta qol buraxıqdan sonra da mərhələ adlayacağımıza əmin idik. Əvəzetmədən oyuna qoşulan futbolçular matçın taleyini həll etdilər. Bu da normal haldır”.