“Xəzər Lənkəran”da sevə-sevə oynayaram”

“Düzdü, “Xəzər Lənkəran” məni heyətində görmək istəyir”. Bu sözləri apasport.az saytına açıqlamasında ötən mövsümü Türkiyə I dəstəsində mübarizə aparan “Şanlurfaspor” klubunun heyətində keçirən Kağan Timuçin Konuk deyib.

Cənub təmsilçisinin baş məşqçisi Oğuz Çətinin transfer siyahısında olan 24 yaşlı türkiyəli futbolçu növbəti mövsüm ölkəmizdə oynamaq ehtimalından danışıb.

O bildirib ki, “ağ-yaşıllar”a keçidi türkiyəlilərin Azərbaycanda yerli futbolçu statusu ilə oynaması haqqında veriləcək qərardan da asılıdı: “Oğuz Çətin menecerimlə danışıb. “Xəzər Lənkəran”da sevə-sevə oynayaram. Mənə deyilənə görə, növbəti mövsüm türkiyəli futbolçular sizin çempionatda azərbaycanlı statusu kimi çıxış edə bilər. Mənim transferim də bu məsələdən asılıdı. Əgər həmin qərar verilərsə, böyük ehtimalla gələcəm. Əksinə olarsa, o zaman Lənkəran klubuna keçidim çətin məsələdi”.

Hər şeyə qarşıdakı günlərdə aydınlıq gələcəyini deyən müdafiəçi Oğuz Çətin amilini də qabardıb: “Mən Oğuz Çətinin yanında oynamaq istəyirəm. “Şanlıurfaspor”da bir yerdə oynadığım Alfred Sanko da oradadı. Amma hər şey məndən asılı deyil”.