“Kim deyir ki Şoliç “Bakı”dan gedib?”

“Kim deyir ki Aleksandr Şoliç və ya Deyvidas Çesnauskis “Bakı”dan gedib? Hələ ki bütün komanda üzvləri məşqlərdə iştirak edirlər. O cümlədən də Cavid Hüseynov, Əfran İsmayılov və Rauf Əliyev”. Futbolxeber.az saytına verdiyi açıqlamada bu sözləri “Bakı”nın mətbuat xidmətinin rəhbəri İsgəndər İsgəndərov deyib.

Klub rəsmisi bildirib ki, Şoliçlə yeni müqavilə imzalanması mümkündür: “Kimlərin gedib, kimlərin qalacağı barədə yekun qərar komanda təlim-məşq toplanışına yollanmamışdan öncə veriləcək. Hələ ki komandadan rəsmi olaraq Elvin Əliyev, Xavyer Junior, Edin Nureddinovski və Elvin Məmmədov ayrılıblar. Şoliçə gəldikdə, Pantiç onun komandada qalmasını istəyir. Lakin yeni şərtlərlə. Ona yeni müqavilə təklif olunacaq. Əgər, şərtlərlə razılaşsa, “Bakı”da qalacaq. Bu, həmçinin Pelageas və Ettoya da aiddir”.