Coko Haciyevski: “Avrokuboklarda Azərbaycan klublarına azarkeşlik edəcəm”

“Yoxlama oyunları komandanın yaxşı və pis tərəflərini görmək baxımından əhəmiyyətli olur. “Neftçi” güclü komandadır. Futbolçuları texnikalı və fiziki baxımdan da hazırlıqlıdılar”. Futbolxeber.az-ın məlumatına görə, bu sözləri “Neftçi” ilə oyundan sonra Səudiyyə Ərəbistanının “Əl-Kadisiya” klubunun baş məşqçisi Coko Haciyevski deyib.

“Bakı”, “Simurq” və Azərbaycan millisinin keçmiş baş məşqçisi olan makedoniyalı mütəxəssis “Neftçi”nin rəsmi saytına verdiyi açıqlamada avrokuboklarda Azərbaycan klublarına uğurlar arzulayıb: “Rəqibə Avropa Liqasında uğurlar arzulayıram. Avrokuboklarda “Neftçi”yə və Azərbaycanın digər klublarına azarkeşlik edəcəm”