Zanetti: “İndi getmək üçün ən münasib vaxtdı”

“İnter”in 40 yaşlı müdafiəçisi Xavyer Zanetti cari mövsümün sonunda karyerasını başa vuracaq. Futbolxeber.az-ın məlumatına görə, argentinalı futbolçu fikrinin qəti olduğunu qeyd edib: “Həqiqətən də karyeramı başa vurmaq fikrindəyəm. Fikrim qətidir, çünki indi getmək üçün ən münasib vaxtdır. Futbolda həyatda mənə çox şey qazandırdı. Meydanda keçirdiyim hər andan zövq almağa çalışmışam. Ötən il apreldə aldığım zədədən sonra insanlara yenidən əvvəlki səviyyəyə qayıda biləcəyimi sübut etməliydim. Lakin bunu bacarmadım. Karyeraməı başa vurduqdan sonrakı həyatımdan qorxmuram. Təbii ki, futbolçu həyatı üçün darıxacağam. Amma nə etmək olar? Bu, həyatın qanunudur”.

Xatırladaq ki, Zanetti 1995-ci ildən “İnter”in şərəfini qoruyur.