Güvənc Kurtar üsyan etdi: “İnanılmazdır!”

“Bu günə qədər oynadığımız ən pis oyunlardan biri idi. İnanılmazdır! Rəqib komandanın futbolçularını təbrik edirəm”. Futbolxeber.az-ın məlumatına görə, bu sözləri “Xəzər Lənkəran”la oyundan sonra “Rəvan”ın baş məşqçisi Güvənc Kurtar deyib. O, növbəti oyunlarda qələbə qazanmağa çalışacaqlarını bildirib: “Turnir cədvəlinin son pilləsində olduğumuz üçün son 4 oyunda qalib gəlmək istəyirdik. Qarşıda hələ üç oyunumuz var, ikisini öz meydanımızda, birini isə səfərdə oynayacağıq. Bu oyunlarda qalib gəlməyə çalışacağıq. Ən azından son pillədən qurtulmaq istəyirik. Rəqibin kimliyindən asılı olmayaraq qarşıdakı oyunlarda bu cür məğlub ola bilmərik. Mövsümü qalib gələrək başa vurmaq istəyirik. Buraxılan qollara görə yalnız qapıçı deyil, bütün futbolçular məsuliyyət daşıyır”.