“Qarabağ” “Neftçi”ylə oyunun hazırlıqlarına başladı

Azərbaycan Premyer Liqasının XXXII turunda “Neftçi”ni qəbul edəcək “Qarabağ” qarşıdakı matçın hazırlıqlarına start verib. Futbolxeber.az-ın klubun rəsmi saytına istinadən verdiyi məlumata görə, bazar günü “Simurq”la qarşılaşdıqdan sonra Bakıya dönən komanda bazar ertəsini istirahətlə keçirib. Ağdam klubu günün yeganə çalışmasını 17:30-da, Suraxanı qəsəbə stadionunda  keçəcək.  “Qarabağ”da cəzalı futbolçu olmasa da, “Simurq”la oyunda zədələnərək meydanı vaxtından əvvəl tərk edən Corc Leroyun ağrıları davam edir. Hollandiyalının qarşıdakı oyuna qədər hazır olub-olmayacağı  bəlli deyil.

Qeyd edək ki,  “Qarabağ” - “Neftçi” oyunu Tofiq Bəhramov adına Respublika stadionunda bazar günü, aprelin 27-si saat 20:00-da keçiriləcək.