“Inter”in baş məşqçisi 5, “Şahdağ”ın futbolçusu 10 oyunluq cəzalandı

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə, əvəzedici heyətlərin XXXI turunun “Bakı” - “İnter” matçında “Bakı” klubunun 5 futbolçusu sarı vərəqə ilə cəzalandığı üçün klub 500 manat cərimə olunub.

Oyunun 49-cu dəqiqəsində “Bakı” klubunun baş məşqşisi İbrahim Uzunca texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanıb, klub 500 manat cərimə olunub.

Oyunun 89-cu dəqiqəsində “İnter” klubunun baş məşqşisi Rüstəm Əliyev hakimləri təhqir etdiyinə görə meydandan kənarlaşdırıldığı üçün 5 oyunluq cəzalanıb, klub 2500 manat cərimə olunub.

Azərbaycan I Divizionunun XXVI turunun “Şəmkir” - “Energetik” matçında “Şəmkir” klubunun 4 futbolçusu sarı vərəqə ilə cəzalandığı üçün klub 100 manat cərimə olunub.

Azərbaycan I Divizionunun XXVI turunun “Neftçala” - “Şahdağ” matçında “Şahdağ” klubunun 6 futbolçusu sarı vərəqə ilə cəzalandığı üçün klub 100 manat cərimə olunub.

Oyunun 42-ci dəqiqəsində “Şahdağ” klubunun 24 №-li futbolçusu Murad Rəcəbov ikinci sarı vərəqə aldıqdan sonra hakimə fiziki təsir göstərdiyi üçün futbolçu 10 oyunluq cəzalanıb, klub 1000 manat cərimə olunub.

Azərbaycan I Divizionunun XXVI turunun “Mil-Muğan” – “Şuşa” matçının 73-cü dəqiqəsində “Şuşa” klubunun 21 №-li futbolçusu Kristofer Nkanşah idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 20 manat cərimə olunub.