“Sumqayıt”ın məşqçisinə 1, “Bakı”nın futbolçusuna 3 oyunluq cəza

Bu gün AFFA İntizam Komitəsinin növbəti iclası keçirilib. Futbolxeber.az-ın məlumatına görə, 28 mart 2014-cü il, 2013/2014 mövsümündə, XXII Azərbaycan Premyer Liqasının XXVIII turunun “Sumqayıt” - AZAL matçında “Sumqayıt” klubunun 4 futbolçusu sarı vərəqə ilə cəzalandığı üçün klub 1000 manat cərimə olunub.

Oyunun 55-ci dəqiqəsində “Sumqayıt” klubunun məşqçisi Mehman Yunusov texniki zona qaydalarını pozduğuna görə meydandan kənarlaşdırıldığı üçün 1 oyunluq cəzalanıb, klub 1000 manat cərimə olunub.

29 mart 2014-cü il, 2013/2014 mövsümündə, XXII Azərbaycan Premyer Liqasının XXVIII turunun “Bakı” - “Simurq” matçının 45+1-ci dəqiqəsində “Bakı” klubunun 31 №-li futbolçusu Vüqar Mustafayev rəqibi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanıb, klub 2000 manat cərimə olunub.