Basketbol millilərimiz yarımfinalda

Kosovonun paytaxtı Priştina şəhərində 3x3 basketbol üzrə Avropa Kubokunun seçmə mərhələsində ilk oyun günü yekunlaşıb.

Futbolxeber.az saytının məlumatına görə, Avropa Kubokunda ölkəmizi təmsil edən həm kişi, həm də qadın milli komandalarımız qrup oyunlarında aşağıdakı nəticələri göstərərək, yarımfinala vəsiqə qazanıblar. 

Kişilərdən ibarət milli:

Azərbaycan - Albaniya (20:21)

Azərbaycan - Malta (18:16)

Azərbaycan - San Marino (21:20)

Qadınlardan ibarət milli:

Azərbaycan - Kipr (16:10)

Azərbaycan - Malta (15:14)

Məlumat üçün bildirək ki, Zaur Paşayevin məşqçilik etdiyi kişi millimiz bu yarışa ilk dəfə olaraq gənc heyətlə (Nicat Nəsirov - 21 yaş, Rəşid Abbasov -22 yaş, Əlibəy Məmmədli -21 yaş, Nəzər Quliyev -24 yaş) yollanıb. Bu yarış gənc basketbolçuların 3x3 basketbol karyeralarında ilk böyük yarışdır. İlk təcrübə olmasına baxmayaraq, millimiz qrup ikincisi kimi yarımfinalda mübarizə aparacaq. Qadın millimiz isə yarışda 3 basketbolçu ilə (Arika Karter, Tatyana Deniskina və Aleksandra Molenhauer) iştirak edir. Əvəzetmədən istifadə edə bilməyən qızlarımız, qrup lideri kimi yarımfinalda yarışacaqlar. Kişi komandamız Bakı vaxtı ilə saat 19:00-da Kipr seçməsi ilə, qadın millimiz isə saat 18:00-da Kosovo ilə qarşılaşacaq.