AVRO-2016: “Futbolçularıma tapşırmışdım ki, Bakını ən axırıncı biz tərk etməliyik”

İspaniyanın U-17 millisinin baş məşqçisi Santi Denianın Futbolxeber.az saytına müsahibəsi

- Avropa çempionatının yarımfinalında Almaniya üzərində (2:1) qələbə qazandınız. Halbuki ilk hissədən sonra hesabda geridəydiniz. Fasilədə nə dəyişdi ki, komandanız əzmkar qələbəyə nail oldu?

- Futbolçularımı ilk növbədə sakitləşdirməyə çalışdım. Digər tapşırığım o idi ki, düzgün müdafiə olunaraq ikinci qolu buraxmamalıyıq. Çünki Almaniya kimi kmandadan  ikinci qolu buraxdınsa, bundan sonra qələbə qazanmaq çox çətin olacaqdı. Həm də futbolçularımı qələbəyə inandırdım. Komandam bütün tapşırıqları yerinə yetirdi və qələbə qazandıq.

- Artıq 3-cü dəfədir ki, oyunun gedişatında etdiyiniz dəyişikliklər, yerdəyişmələr yekun nəticəyə təsir edirsiz. 4-cü dəfə belə addım atmaq üçün gücünüz qalıb?

- Komandada 18 futbolçu var. Onların hər biri istedadlıdır. Həmişə oyunçularıma başa salıram ki, mənim üçün adların fərqi yoxdur. Hamı hər an meydana çıxmağa hazır olmalıdır. Futbolçularım meydana çıxanda komandanın uğur qazanması üçün ələrindən gələni edirlər. Düşünürəm ki, bundan sonra ümidlərim puça çıxmayacaq.

- Komandanız qələbə qolunu son dəqiqələrdə vurdu. Hesab 1:1 olarkən penaltilər seriyasına hazırlaşırdız, yoxsa sona kimi qalib olacağınıza inanırdınız?

- Penaltilər seriyasına hazır idik. Amma şadam ki, buna ehtiyac qalmadı. Əgər əsas vaxtda qalib aşkarlanmasayadı, müəyyən dəyişikliklər edəcəkdik.

- Demək olar ki, Bakıda finala turnirin ən güclü 2 komandası çıxdı?

- Məncə 2 finalçı ilə yanaşı, Almaniya, Hollandiya və  İngiltərə də həlledici qarşılaşmada meydana çıxmağa layiq idi. Xırda detallar həlledici rol oynadı. Qarşıda bizi çox maraqlı final gözləyir.

- İspaniya yığması finala yüksəlməni nəyə borcludur: rəqibin arxayınlaşmasına, yoxsa sona qədər mübarizə aparmağına?

- Komandam əzmkarlıq nümayiş etdirdi. Sona qədər qələbəyə inandıq və buna nail olduq.

- Komandanız Avropa çempionatına vəsiqəni son anda qazandı. Həmin vaxt Bakıda finala qədər irəliləyəcəyinizə inanırdız?

- Çempionat öncəsi toplanışda olarkən futbolçularıma tapşırığım o idi ki, biz turnirə sonuncu qatılsaq da, Bakını ən axırıncı tərk etməliyik. Qalib olmağımız üçün 1 addım qalıb.

- Yarımfinalda almanlara uduzsaydınız, buna görə az da olsa, hakimi günahlandırmaq olardı?

- Xeyr. Uduzsaydıq, mən özümü günahkar hesab edəcəkdim. 

"Layihə AFFA yanında Media Komitəsi tərəfindən maliyyələşdirilir"