İspaniya millisinin üzvü: “İstərdim ki, finala qədər bəxtimiz gətirsin”

"Çalışıram ki, hər oyunda komandaya xeyir verim. Vurduğum qol millimizi yarımfinala çıxarırsa, buna daha çox sevinirəm”. Futbolxeber.az saytına açıqlamasında bu sözləri İspaniyanın U-17 millisinin üzvü Fransisko Qarsiya deyib.

Bakıda keçirilən 17 yaşadək futbolçular arasında Avropa çempionatının 1/4 final mərhələsində İngiltərəni 1:0 hesabı ilə məğlub edən İspaniya millisi yarımfinala yüksəlib.

Vurduğu qolla komandasının yarımfinala yüksəldən Qarsiya qələbəni belə şərh edib: “İlk hissədə gücümüzü itirdik. Buna görə də ikinci hissənin sonlarında rəqib çoxlu qol imkanları yaratdı. Bəxt amili bütün idman növlərində var. Bu, o cümlədən futbola da aiddir. İstərdim ki, finala qədər bəxtimiz gətirsin. Yarımfinalda Almaniya millisi ilə qarşılaşacağıq. Məqsədimiz finala qədər irəliləməkdir". 

"Layihə AFFA yanında Media Komitəsi tərəfindən maliyyələşdirilir"