İspaniya millisinin baş məşqçisi: “Bu, komandanın qələbəsidir”

“Bugünkü qələbəni komandamızın birliyi sayəsində qazandıq. Oyun ərzində etdiyim dəyişikliklərə səbəb zədələr idi”. Futbolxeber.az saytına açıqlamasında bu sözləri İspaniyanın U-17 millisinin baş məşqçisi Santi Denia deyib.

Bakıda keçirilən 17 yaşadək futbolçular arasında Avropa çempionatının 1/4 final mərhələsində İngiltərəni 1:0 hesabı ilə məğlub edən İspaniya yarımfinala adlayıb. İspaniya yığmasının çalışdırıcısı matçın gedişində üstünlüyü əldən vermələrinin səbəbini belə izah edib: “Oyun ərzində məcburi dəyişikliklər etməsəydik, İngiltərə üstünlüyü ələ ala bilməzdi. İnaniram ki, növbəti oyunlarda bu halla üzləşməyəcəyik. Qələbəni Qarsiyanın fərdi ustalığının nəticəsi saymır. Bu, komandanın qələbəsidir. Onun yaxaladığı imkan başqasında olsaydı, yenə də fərqlənəcəkdi”. 

Santi Denia yarımfinal görüşü haqda da danışıb: “Növbəti rəqibimiz Almaniyadır. Bu komanda çox güclüdür. Onlar çempionatın favoritidirlər. Amma hər bir komandanın da zəif cəhəti var. Almanların zəif tərəflərini analiz edəcəyik.  

"Layihə AFFA yanında Media Komitəsi tərəfindən maliyyələşdirilir"