“Bakı” azarkeşlərindən İspaniya millisinə dəstək

Bakıda keçirilən 17 yaşadək futbolçular arasında Avropa çempionatının 1/4 final mərhələsi çərçivəsində İspaniya millisi İngiltərə ilə üz-üzə gəlir. Futbolxeber.az saytının “Bakcell Arena”da olan əməkdaşının verdiyi məlumata görə, görüşü izləyənlər arasında “Bakı” fan-klubunun üzvləri də var. “Bakı” fanatları sevimli klublarının, eləcə də “Atletiko”nun bayraqları ilə İspaniya yığmasını dəstəkləyirlər.

"Bakı" klubunun icraçı direktoru Yaşar Seyidov isə qarşılaşmaya İspaniya Futbol Federasiyasının nümayəndələri ilə birgə baxır. 

Xatırladaq ki, “Bakı” və “Atletiko” klubları arasında bir neçə il davam edən əməkdaşlıq başa çatsa da, iki tərəf arasında əlaqələr bu gün də davam edir.