AVRO-2016: “İlk oyunda rəqibimiz Şotlandiya və ya Belçika olsaydı, qrudan çıxardıq”

“Qarabağ”ın və əsas millimizin üzvü Əfran İsmayılov Bakıda keçirilən 17 yaşadək futbolçular arasında Avropa çempionatından danışıb. Futbolxeber.az saytına açıqlamasında təcrübəli yarımmüdafiəçi yığmamızın çıxışını da dəyərləndirib: “Çempionatın açılış oyununda stadiondaydım. Milli komandamız Portuqaliya ilə görüşdə gözlənilməz qollar buraxdı. Müdafiədə adi səhvlərə yol verildi. Bunu da stadiondakı atmosferlə əlaqələndirmək olar. Gənbc futbolçular üçün fərqli ab-hava idi. Amma Portuqaliyadan alınan məğlubiyyətdən sonra yığmamız toparlana bildi. Hesab edirəm ki, ilk oyunda rəqibimiz Şotlandiya və ya Belçika olsaydı, qrudan çıxardıq. Bununla belə, millimiz turniri yaxşı başa vurdu. Böyükhesablı yenilgidən sonra qısa müddətdə hər komanda toparlanmağı bacarmır”.

"Layihə AFFA yanında Media Komitəsi tərəfindən maliyyələşdirilir"